متحدہ عرب امارات نے رمضان المبارک کے دوران نجی شعبے کے ملازمین کے لیے کام کے اوقات میں دو گھنٹے کی کمی کا اعلان کر دیا ہے۔
اس فیصلے کا مقصد روزہ دار ملازمین کو سہولت فراہم کرنا اور کام کے دوران ان کی کارکردگی کو برقرار رکھنا ہے۔
اس سے قبل اتھارٹی فار گورنمنٹ ہیومن ریسورسز نے سرکاری ملازمین کے لیے نئے اوقاتِ کار کا اعلان کیا تھا، جس کے مطابق:
پیر سے جمعرات تک دفتری اوقات صبح 9 بجے سے دوپہر 2:30 بجے تک ہوں گے۔
جمعہ کے روز کام کا آغاز صبح 9 بجے ہوگا اور دوپہر 12 بجے اختتام پذیر ہوگا۔
رمضان المبارک کے آغاز سے متعلق بین الاقوامی فلکیاتی مرکز کے مطابق، دنیا بھر میں زیادہ تر مسلمان یکم مارچ 2025، بروز ہفتہ پہلا روزہ رکھیں گے۔ تاہم، رمضان کا حتمی آغاز چاند نظر آنے پر منحصر ہوگا۔
یہ اعلان متحدہ عرب امارات میں مقیم مسلم اور غیر مسلم ملازمین کے لیے ایک مثبت اقدام کے طور پر دیکھا جا رہا ہے، جس سے رمضان کے دوران کام اور عبادات میں توازن پیدا کرنے میں مدد ملے گی۔
