چیئرمین پاکستان پیپلزپارٹی بلاول بھٹو زرداری نے آکسفورڈ یونین میں خطاب کرتے ہوئے کہا کہ ریاستی اداروں کو سیاسی انتقام کے لیے استعمال نہیں ہونا چاہیے۔
انہوں نے پاکستان کی سیاسی صورتحال پر گفتگو کرتے ہوئے کہا کہ ملک جمہوریت کے حوالے سے مختلف چیلنجز کا سامنا کر رہا ہے اور پیپلزپارٹی جمہوریت کے فروغ میں اہم کردار ادا کر رہی ہے۔بلاول بھٹو زرداری نے ماضی میں پیپلزپارٹی کے خلاف احتساب کے نام پر ہونے والے اقدامات کا ذکر کرتے ہوئے کہا کہ ان کے والد آصف زرداری کو پہلی بار منتخب ہونے پر سیاسی قیدیوں کا سامنا نہیں تھا، تاہم پی ٹی آئی کے دور میں ان کی پھپھو اور دیگر سیاسی رہنما گرفتار ہوئے۔
انہوں نے یہ بھی کہا کہ پیپلزپارٹی نے ہمیشہ سیاسی انتقام کی مخالفت کی اور پارٹی نے مشکلات کے باوجود جمہوریت کے حق میں اپنے اصولوں کا دفاع کیا۔انہوں نے یہ بھی کہا کہ پیپلزپارٹی نے جب اقتدار میں آ کر جمہوریت کو بہترین انتقام قرار دیا، اور نیب کے نظام احتساب کو تنقید کا نشانہ بنایا۔ بلاول بھٹو نے مطالبہ کیا کہ سیاسی قیدیوں کے لیے جیل کے مینو کی تبدیلی اور سہولتوں کی فراہمی کی ضرورت ہے، اور سیاسی انتقام کے خاتمے کے لیے اداروں کا استعمال مناسب نہیں۔
