چیمپئنز ٹرافی کے دوران پاکستانی کرکٹ ٹیم میں کپتان بابر اعظم اور کوچ عاقب جاوید کے درمیان متعدد اختلافات سامنے آئے، جس کے باعث ٹیم کو شکست کا سامنا کرنا پڑا۔
ٹیم کے فیصلوں میں عدم مشاورت اور اختلافات نے کارکردگی کو متاثر کیا، جس پر محمد رضوان بھی نالاں نظر آئے۔ انہوں نے خوشدل شاہ کو ٹیم میں شامل کرنے کی درخواست کی، مگر عاقب جاوید نے اپنی مرضی سے فہیم اشرف کو منتخب کر لیا۔ایونٹ سے پہلے، پی سی بی کے چیئرمین محسن نقوی نے دو بار اسکواڈ پر نظرثانی کا مشورہ دیا، مگر ان کی تجاویز کو نظرانداز کر دیا گیا۔ چیئرمین نے اپنی اختیارات استعمال کرتے ہوئے کسی بھی تبدیلی کو مناسب نہیں سمجھا۔ٹورنامنٹ کے اختتام کے بعد پی سی بی ٹیم کی کارکردگی کا جائزہ لے گا اور غلطیوں کی نشاندہی کی جائے گی۔
پی سی بی حکام کو بابر اعظم کی فارم پر بھی تشویش ہے، کیونکہ وہ ایک سال سے غیر معمولی کارکردگی کا مظاہرہ نہیں کر سکے۔ عاقب جاوید اور دیگر سلیکٹرز اپنے فیصلوں پر قائم ہیں کہ انہوں نے بہترین کھلاڑیوں کا انتخاب کیا، لیکن حقیقت میں اوپننگ، اسپن بولنگ اور آل راؤنڈرز کے انتخاب میں واضح غلطیاں سامنے آئی ہیں۔عاقب جاوید نے فی الحال اپنے عہدے سے استعفیٰ دینے کا ارادہ نہیں کیا ہے، حالانکہ انہیں عبوری طور پر ذمہ داری دی گئی تھی، اور وہ اب ہیڈ کوچ کے عہدے پر نہیں رہیں گے۔ تاہم، غیر اعلانیہ چیف سلیکٹر کے طور پر ان کی پوسٹ برقرار رہے گی۔
