مقبوضہ کشمیر : 190 ملی میٹر بارش ریکارڈ، لینڈ سلائیڈنگ کا خطرہ

سرینگر(آئی این پی ) مقبوضہ جموں و کشمیر میں شدید بارشوں کا سلسلہ جاری ہے اور گزشتہ  24 گھنٹے میں 190 اعشاریہ 4 ملی میٹر بارش ریکارڈ کی گئی۔بھارتی میڈیا کے مطابق  مقبوضہ جموں اور کشمیر میں لوگوں کو دریاوں، نالوں اور پہاڑوں سے دور رہنے کی ہدایات جاری کی گئی ہیں۔ مقبوضہ وادی میں 27 اگست تک مزید شدید بارشوں کے باعث لینڈ سلائیڈنگ کا خطرہ ہے۔حالیہ شدید بارش سے جموں پٹھان کوٹ شاہراہ پر پل کو بھی نقصان پہنچا جس سے ٹریفک کی روانی معطل ہوگئی ہے۔مقبوضہ علاقے میں اس سے قبل اگست 1926 میں 228 اعشاریہ 6 ملی میٹر بارش ریکارڈ کی گئی تھی۔