وزیرِ دفاع خواجہ آصف نے اسلام آباد میں برطانیہ کے لیے قومی فضائی کمپنی پی آئی اے کے فلائٹ آپریشن کی بحالی کا رسمی افتتاح کیا۔
اس موقع پر انہوں نے کہا کہ پی آئی اے کی برطانیہ کے لیے پروازوں کا سلسلہ پانچ سال بعد دوبارہ شروع ہو رہا ہے، جس میں آج اسلام آباد سے مانچسٹر کے لیے پہلی پرواز روانہ ہوگی۔افتتاحی تقریب سے خطاب کرتے ہوئے خواجہ آصف نے اس اہم پیشرفت کو پاکستان کی سفارتی کوششوں کا نتیجہ قرار دیا اور سفارتی عملے کو خراجِ تحسین پیش کیا۔ انہوں نے بتایا کہ برطانیہ کی سول ایوی ایشن سے پابندی کے خاتمے میں پاکستانی سفارت خانے اور برطانوی ہائی کمشنر جین میریٹ کا کردار کلیدی رہا۔
وزیر دفاع نے اس پابندی کے پیچھے موجود جعلی پائلٹ لائسنس اسکینڈل کا ذکر کرتے ہوئے کہا کہ اس کی وجہ سے پی آئی اے کو نقصان پہنچا، لیکن حکومت نے پی آئی اے کے معیار اور ساکھ کو بحال کرنے کے لیے مؤثر اقدامات کیے ہیں۔اس موقع پر برطانوی ہائی کمشنر محمد فیصل نے بھی کہا کہ پی آئی اے کی پروازوں کی بحالی خوش آئند ہے، اور جلد ہی برطانیہ کے دیگر شہروں کے لیے بھی پروازیں شروع ہونے کی توقع ہے۔
