پاکستان میں پہلی بار عالمی مقابلہ حسن قرات کا آغاز

اس بابرکت محفل کی وجہ سے ملک میں عربی کی تعلیم رائج کرنے میں مدد ملے گی، وفاقی وزیر
اسلام آباد(آئی این پی ) پاکستان کی تاریخ میں پہلی بار عالمی مقابلہ حسن قرات  کا آغاز ہوگیا۔وفاقی وزیر مذہبی امور و بین المذاھب ہم آہنگی سردار محمد  یوسف نے عالمی مقابلہ حسن قرات کی افتتاحی تقریب سے خطاب کرتے ہوئے کہا کہ آج تاریخی اور بابرکت دن ہے، اللہ کے فضل و کرم سے پاکستان کو یہ اعزاز حاصل ہوا ہے کہ ہم یہاں پر پہلا عالمی مقابلہ حسن قرات منعقد کرا رہے ہیں۔انہوں نے کہا کہ مسلم لیگ ن کے سابق دور حکومت میں سابق وزیراعظم نواز شریف کی ہدایت پر ہم نے جن اصلاحات کا آغاز کیا تھا ہماری کوشش ہے کہ ہم وزارت مذہبی امور کو انہیں خطوط پر دوبارہ استوار کریں۔انہوں نے کہا کہ موجودہ دور میں وزیر اعظم شہباز شریف کی قیادت میں ہم نے علما و مشائخ کونسل کا کنونشن منعقد کرایا ہے