بہاولپور، کھیتوں میں بکریاں جانے پر خاتون پر تشدد، ملزمان نے گھر بھی جلا ڈالا

 گھروں میں رکھے پیسے اور زیورات بھی جل کر راکھ ہو گئے، 30 بکریاں بھی ساتھ لے گئے،متاثرین کی وزیر اعلی سے انصاف کی اپیل
بہاولپور(آئی این پی )بہاولپور کے علاقے یزمان میں کھیتوں میں بکریاں جانے پر ملزمان نے خاتون کو مبینہ تشدد کا نشانہ بنا ڈالا۔تھانے میں درج کرائیگئے مقدمے کے مطابق ملزمان نے بکریاں کھیتوں میں جانے پرگھر کو بھی آگ لگا ئی، جس کے نتیجے میں مزید دو گھر بھی آگ بھی لپیٹ میں آئے ، متاثرہ گھروں میں رکھے پیسے اور زیورات بھی جل کر راکھ ہو گئے۔مقدمے میں بتایا گیا کہ ملزمان 30 بکریاں بھی ساتھ لے گئے۔واقعے کے متاثرین کی جانب سے وزیر اعلی پنجاب مریم نواز سے انصاف کی اپیل کی گئی ہے۔