غریب عوام کی چیخ و پکارحکومت کے کانوں میں نہیں پڑتی: قادر مگسی

پانی سے متعلق ہمارا مشترکہ موقف ہے‘بین الاقوامی اصول کے مطابق پانی سب کو دیا جائے
کراچی(آئی این پی)چیئرمین سندھ ترقی پسند پارٹی ڈاکٹر قادر مگسی نے کہا ہے کہ غریب عوام کی چیخ و پکارحکومت کے کانوں میں نہیں پڑتی۔چیئرمین سندھ ترقی پسند پارٹی ڈاکٹر قادر مگسی نے میڈیا سے گفتگو کرتے ہوئے کہا ہے کہ ہم جمہور ہیں، متحد ہو جائیں تو حکمرانوں سے اپنے مطالبات منواسکیں گے۔قادر مگسی نے کہا ہے کہ محمود خان اچکزئی سے مختلف ایشوز پر بات ہوئی، کانفرنس کی دعوت دی ہے، سیاسی صورتِ حال پر اپنا موقف دیں گے۔انہوں نے کہا ہے  پانی سے متعلق ہمارا مشترکہ موقف ہے، پانی کے بین لاقوامی منصوبے کو ہم مانتے ہیں، بین الاقوامی اصول کے مطابق پانی سب کو دیا جائے۔