پنجاب کے دریائوں کو سکون آگیا‘ ہرطرف تباہی کے مناظر‘ہزاروں لوگ گھرو ں سے محروم

سیلاب سے اوچ شریف میں ہر طرف تباہی، پاکپتن میں ستلج کے کٹا ئوسے پورا گائوں دریا برد،بیوہ خاتون چھ بچوں کے ساتھ بے گھر
علی پور سیت میں  کروڑوں روپے مالیت کی گندم سیلاب کی نذر ہو گئی‘صرف ستلج میں درمیانے درجے کا سیلاب ہے:پی ڈی ایم اے 
لاہور، ملتان(آئی این پی )پی ڈی ایم اے پنجاب کے ڈی جی عرفان علی کاٹھیا  نے کہا ہے  کہ پنجاب کے دریائوں میں پانی کا بہا ئومعمول پر آ گیا ہے، صرف ستلج میں درمیانے سے نچلے درجے کی سیلابی صورتحال برقرار ہے جبکہ سیلاب سے متاثرہ علاقوں میں بھی پانی کی سطح میں واضح کمی ہو رہی ہے ،دوسری جانب پنجاب میں سیلاب سے ہر طرف تباہی کے مناظر دکھائی دے رہے ہیں ، ملتان میں کروڑوں روپے کی گندم سیلاب سے برباد ہو گئی، اوچ شریف میں بیوہ خاتون چھ بچوں کے ساتھ کھلے آسمان تلے رہنے پر مجبور ہو گئی ۔پی ڈی ایم اے کے مطابق  دریائے ستلج میں درمیانے سے نچلے درجے کی سیلابی صورتحال برقرار ہے،۔ دوسری جانب پنجاب میں سیلاب سے ہر طرف تباہی کے مناظر دکھائی دے رے ہیں،، ملتان میں کروڑوں روپے کی گندم سیلاب سے برباد ہو گئی، اوچ شریف میں بیوہ خاتون چھ بچوں کے ساتھ کھلے آسمان تلے رہنے پر مجبور ہو گئی۔اوچ شریف کی بستی کھوکھراں میں فضیلہ کا شوہر سیلاب میں مویشیوں کو محفوظ مقام پر منتقل کرتے ہوئے ڈوب گیا، مویشی ریلے میں بہہ گئے، سامان اور گھر بھی پانی کی نذر ہو گئے، سر پر چھت ہے نہ کھانے کے  لئے  کوئی سامان بچنے سے فاقوں کی نوبت آ گئی۔ادھر پاکپتن میں ستلج کے کٹا ئو سے گائوں باقر کے مکمل دریا برد ہو گیا، کٹائو کو روکنے کی تمام تر کوششیں ناکام ہو گئیں، زمینی کٹائو روکنے کیلئے ہیوی مشینری استعمال کی جا رہی ہے۔متاثرہ گائوں کے لوگ نقل مکانی کر کے محفوظ مقام پر منتقل ہو چکے ہیں۔  علی پور، سیت میں پاسکو حکام کی مبینہ غفلت سے کروڑوں روپے مالیت کی گندم سیلاب کی نذر ہو گئی