اسرائیل نے مغربی کنارے کو ضم کیا تو امریکہ کی حمایت کھو بیٹھے گا: ٹرمپ

میں نے عرب ممالک سے وعدہ کیا ہے‘ ان ممالک سے بڑی حمایت حاصل کی ہے ‘ اس وقت ایسا اقدام ممکن نہیں:امریکی صدر
واشنگٹن (آئی این پی)امریکی صدر ڈونلڈ ٹرمپ نے اسرائیل کو خبردار کیا ہے کہ مغربی کنارے کے علاقوں کو ضم کرنے سے باز رہے بصورت دیگر سنگین نتائج بھگتنا پڑیں گے۔عالمی خبر رساں ادارے کے مطابق امریکی صدر ڈونلڈ ٹرمپ نے واضح طور پر خبردار کیا ہے کہ اگر اسرائیل نے مغربی کنارے کو ضم کرنے کی کوئی کوشش کی تو اسے امریکا کی مکمل حمایت سے محروم ہونا پڑے گا۔ٹائم میگزین کو 15 اکتوبر کو دیئے گئے ایک انٹرویو میں صدر ٹرمپ سے اسرائیلی حکومت کے ان رہنماں کے بارے میں سوال کیا گیا جو مغربی کنارے کے مکمل یا جزوی انضمام کے حامی ہیں۔اس پر ٹرمپ نے دو ٹوک الفاظ میں کہا کہ یہ نہیں ہوگا۔ یہ نہیں ہوگا کیونکہ میں نے عرب ممالک سے وعدہ کیا ہے۔ ہم نے عرب ممالک سے بڑی حمایت حاصل کی ہے اور اس وقت ایسا اقدام ممکن نہیں