ٹیسلا کی فروخت، منافع میں کمی: ایلون مسک کا حکومت میں اپنا کردار کم کرنے کا اعلان

  واشنگٹن (آ ئی این پی )رواں مالی سال کے پہلے 3ماہ کے دوران کمپنی کے منافع اور آمدنی میں کمی کے بعد ٹیسلا کے سربراہ ایلون مسک نے کہا ہے کہ وہ ڈونلڈ ٹرمپ کی انتظامیہ میں اپنا کردار کم کریں گے۔ برطانوی نشریاتی ادارے بی بی سی رپورٹ کے مطابق فروخت میں کمی آئی اور الیکٹرک کار ساز کمپنی کو ردعمل کا سامنا کرنا پڑا، کیوں کہ مسک وائٹ ہاس کا ایک سیاسی حصہ بن گئے تھے۔  ٹیسلا نے 2025 کی پہلی سہ ماہی میں فروخت میں گزشتہ سال کے اسی عرصے کے مقابلے میں 20 فیصد کمی کی اطلاع دی، جب کہ منافع میں 70 فیصد سے زیادہ کمی واقع ہوئی۔