ہائیکورٹ نے حکومت سے گریڈ22 میں ترقیوں کا ریکارڈ طلب کرلیا

کیا وزیراعظم  اعلی ترین افسروں کی تعیناتی کسی اور کے سپرد کر سکتے تھے؟ اسلام آباد ہائیکورٹ کا استفسار
اسلام آباد(آئی این پی )اسلام آباد ہائیکورٹ نے ہائی پاور سلیکشن بورڈ میں گریڈ 22میں ترقی سے متعلق کیس میں فریقین سے دلائل طلب کر لئے اور وفاقی حکومت سے افسران کی گریڈ22 میں ترقیوں سے متعلق ریکارڈ طلب کرلیا۔عدالت نے استفسار کیا  کیا وزیراعظم پاکستان اعلی ترین افسروں کی تعیناتی کسی اور کے سپرد کر سکتے تھے؟ اگر افسران کی فائلز پرانے رولز کے تحت تیار کی گئیں تو نئے قوانین کا اطلاق کیسے ہوگا؟نئے رولز میں ترامیم کا اطلاق پرانی ترقیوں پر کیسے ہو سکتا ہے؟ ۔ہائی پاور سلیکشن بورڈ میں گریڈ22میں ترقی  سے متعلق فیصلوں کو چیلنج کرنے کے کیس کی سماعت ہوئی،گریڈ22میں ترقی سے متعلق فیصلوں کی آئینی قانونی حیثیت کو چیلنج کیا گیا ہے