صبا قمر نے حالیہ دنوں میں سوشل میڈیا سے دوری اختیار کرنے کا اعلان کیا ہے، جس کا سبب ایک متنازع فوٹو شوٹ ہے جو حال ہی میں وائرل ہوا تھا۔
اس شوٹ میں اداکارہ کی تصاویر کو بعض صارفین نے نامناسب قرار دیا تھا، جس پر شدید تنقید کی گئی۔صبا قمر نے اس صورتحال پر ردعمل دیتے ہوئے انسٹاگرام پر ایک اسٹوری شیئر کی، جس میں انہوں نے مداحوں کو بتایا کہ وہ اس وقت "صحت یاب" اور "ریچارج" ہونے کے لیے کچھ وقت سوشل میڈیا سے دور رہنے کا فیصلہ کر رہی ہیں۔اداکارہ نے اپنی پوسٹ میں کہا کہ وہ اپنے مداحوں کی محبت اور فکر کی قدر کرتی ہیں اور اس وقت انہیں خود کو ٹھیک کرنے کے لیے آرام کی ضرورت ہے۔ انہوں نے اس بات کا بھی عہد کیا کہ یہ دوری صرف عارضی ہے اور وہ جلد ہی واپس آئیں گی۔صبا قمر کا یہ قدم ان کے لیے ایک "مختصر وقت کی خاموشی" کے طور پر دیکھا جا رہا ہے تاکہ وہ اپنے جذباتی اور ذہنی سکون کو بحال کر سکیں۔
