پچھلے دور میں سیاسی وابستگیوں سے تعیناتیاں ہوتی تھیں، اب سیاسی مداخلت صفر ہے:مریم نواز

مریم نواز پنجاب پولیس پر برہم
پنجاب کو جرائم سے پاک کیا،سستی کی گنجائش نہیں، جرائم کی شرح میں اضافہ شرمناک اور فکر انگیز ،افسران کی سرزنش،قتل، ڈکیتی، اغوا اور گمشدگی جیسے واقعات کا تسلسل اور بڑھنا قطعاً برداشت نہیں کیا جائے گا :وزیر اعلیٰ پنجاب 
لاہور( کرائم رپورٹر)وزیرِ اعلیٰ پنجاب مریم نواز نے جرائم کی شرح میں اضافے کا نوٹس لے لیا۔پنجاب کی وزیرِ اعلیٰ مریم نواز نے امن و امان سے متعلق اجلاس طلب کر کے شیخوپورہ اور فیصل آباد میں جرائم کنٹرول نہ ہونے پر متعلقہ افسران کی سرزنش کی۔ اْنہوں نے آر پی اوز اور ڈی پی اوز کو سی سی ڈی سے تعاون کرنے کی ہدایت بھی کی۔وزیرِ اعلیٰ پنجاب کا کہنا ہے کہ جرائم کی شرح میں اضافہ شرمناک اور فکر انگیز ہے، پنجاب کو جرائم سے پاک کیا، اب سْستی کی گنجائش نہیں۔اْنہوں نے کہا کہ پولیس کو ہر قسم کی مداخلت سے پاک کر دیا، اب ڈیلیور کر کے دکھانا ہو گا، پچھلے دور میں سیاسی وابستگیوں سے تعیناتیاں ہوتی تھیں، اب سیاسی مداخلت صفر ہے۔ مریم نواز نے کہا کہ گلبرگ میں گاڑی کی بیٹری چوری ہونے کی ویڈیو شرمناک ہے، گجرات میں بس روک کر بیگ چھینے گئے، صوبے بھر میں سیف سٹی قائم ہونے کے باوجود جرائم سر زد ہونا قابلِ فکر ہے۔اْنہوں نے یہ بھی کہا کہ منشیات کے واقعات کے اعداد و شمار دیکھ کر شرم آتی ہے، اسپیڈو بس کے کنڈیکٹر نے بچی کو مارا، اگر قانون کا خوف ہو تو ایسے واقعات نہیں ہو سکتے۔ وزیراعلیٰ پنجاب مریم نواز  شریف نے جرائم کی شرح میں اچانک اضافے پرنوٹس لیتے ہوئے ہنگامی اجلاس طلب کیا اور پولیس حکام سے کہا کہ 2 سال میں 527 ارب ریکارڈ بجٹ دیا پولیس کو ہر قسم کی مداخلت سے پاک کردیا پھر بھی جرائم کے واقعات کا ہونا افسوسناک  ہے افسران کو کارکردگی دکھانا ہوگی۔وزیر اعلیٰٰ پنجاب مریم نواز شریف نے جرائم کے واقعات کی ویڈیوز خود شئیر کرکے شرکا کو دکھا کر سخت اظہار برہمی کیا اور متعلقہ پولیس افسروں سے باز پرس کی جرائم روکنے کے لئے پیشگی اقدامات پر کام کرنے کا ہدف مقرر کیا اجلاس میں شیخوپورہ اور فیصل آباد میں جرائم کنٹرول نہ ہونے پر متعلقہ افسران کی سرزنش کی اورآرپی اوز اور ڈی پی اوز کو سی سی ڈی سے بھرپور تعاون کی ہدایت بھی دیں۔وزیراعلیٰ مریم نواز شریف نے آر پی اوز، سی پی اوز اور ڈی پی اوز سے ویڈیو لنک خطاب کرتے ہوئے کہا کہ جرائم کی شرح میں اچانک اضافے کا رجحان شرمناک اور فکر انگیز ہے اتنی محنت کے بعد پنجاب کو سیف سٹی اور جرائم سے پاک کیا،اب پھر سستی کی گنجائش نہیں قتل، ڈکیتی، اغوا اور گمشدگی جیسے واقعات کا تسلسل اور بڑھنا قطعاً برداشت نہیں کیا جائے گا گلبرگ میں گاڑی کی بیٹری چوری ہونے کی ویڈیوشرمناک ہے۔منشیات کے واقعات کے اعداد شمار دیکھ کر شرم آتی ہے۔وزیر اعلیٰ پنجاب کا مزید کہنا تھا کہ سپیڈو بس کے کنڈیکٹر نے بچی کو مارا، اگر قانون کا خوف ہوتو ایسے واقعات نہیں ہوسکتے پولیس کو من چاہا بجٹ دیا، اسلحہ، آلات اور گاڑیاں بھی دیں پولیس کو دو سال میں مجموعی طور پر 527 ارب روپے کا ریکارڈ بجٹ دیا پولیس کو ہر قسم کی مداخلت سے پاک کر دیا، اب ڈیلیور کر کے دکھانا ہوگا۔اْنہوں نے کہا کہ پولیس افسروں کا فائنل انٹرویو خود کرتی ہوں امن و امان میں بہتری کے لئے سختی بھی برتیں گے۔