میزبان و اداکارہ کرن خان اور بزنس مین مرزا اشتیاق بیگ نے شادی کے بعد اہلِ خانہ کے ہمراہ پہلی فیملی ڈنر تقریب میں شرکت کی، جس کی تصاویر سوشل میڈیا پر صارفین کی توجہ حاصل کر رہی ہیں۔
کرن خان اور مرزا اشتیاق بیگ نے حال ہی میں سعودی عرب میں نکاح کیا تھا۔ نکاح کے بعد دونوں نے عمرے کی سعادت بھی حاصل کی، جبکہ ان کے نکاح کی تصاویر سوشل میڈیا پر سامنے آنے کے بعد جوڑی کے حوالے سے مداحوں اور صارفین میں خاصی دلچسپی دیکھنے میں آئی۔سعودی عرب سے واپسی کے بعد دونوں نے پاکستان میں اپنے دوستوں، رشتہ داروں اور اہلِ خانہ سے ملاقاتوں کا سلسلہ شروع کیا۔ اسی سلسلے میں مرزا اشتیاق بیگ کے گھر اہلِ خانہ کے لیے خصوصی ڈنر کا اہتمام کیا گیا، جس میں کرن خان اور مرزا اشتیاق بیگ نے بھی شرکت کی۔فیملی ڈنر کی تصاویر سوشل میڈیا پر شیئر کی گئیں تو صارفین کی جانب سے نئے شادی شدہ جوڑے کے لیے نیک خواہشات اور مبارکباد کے پیغامات کا سلسلہ شروع ہوگیا۔ تصاویر میں دونوں کو اہلِ خانہ کے ساتھ خوشگوار انداز میں وقت گزارتے دیکھا جاسکتا ہے۔
کرن خان اور مرزا اشتیاق بیگ کے نکاح کی خبر سامنے آنے کے بعد سے یہ جوڑی سوشل میڈیا پر مسلسل توجہ کا مرکز بنی ہوئی ہے۔ سعودی عرب میں نکاح اور عمرے کے بعد پاکستان واپسی پر فیملی ملاقاتوں اور تقریبات نے بھی مداحوں کی دلچسپی برقرار رکھی ہے۔دونوں کی جانب سے شادی کے بعد کی تقریبات اور اہلِ خانہ کے ساتھ ملاقاتوں کی جھلکیاں سوشل میڈیا پر شیئر کی جا رہی ہیں، جنہیں صارفین کی جانب سے پسند کیا جا رہا ہے۔
