ڈسٹرکٹ اینڈ سیشن کورٹ اسلام آباد نے ایمان مزاری ایڈووکیٹ اور ہادی علی چٹھہ ایڈووکیٹ کے خلاف ناقابل ضمانت وارنٹ گرفتاری جاری کر دیے ہیں۔
یہ وارنٹس ریاست اور قومی سلامتی کے اداروں کے خلاف متنازع ٹوئٹ کیس کی سماعت کے دوران جاری کیے گئے۔ایڈیشنل ڈسٹرکٹ اینڈ سیشن جج محمد افضل مجوکہ کی عدالت نے ہدایت کی کہ دونوں ملزمان کو گرفتار کرکے 24 ستمبر کو عدالت میں پیش کیا جائے۔ عدالت نے اس سے قبل دونوں وکلاء کو طلبی کے نوٹسز جاری کیے تھے، تاہم وارنٹ گرفتاری کی درخواست منسوخی مسترد کر دی گئی۔عدالت نے کیس کی مزید سماعت 24 ستمبر تک ملتوی کردی ہے۔
اس کیس میں ناقابل ضمانت وارنٹ جاری کرنے کا مطلب یہ ہے کہ ایمان مزاری اور ہادی علی چٹھہ بغیر عدالت کی اجازت کے رہا نہیں ہو سکتے اور ان کی گرفتاری لازمی ہوگی۔یہ کارروائی اس وقت سامنے آئی جب دونوں وکلاء کے خلاف سوشل میڈیا پر کیے گئے متنازع بیانات پر قانونی چارہ جوئی کی گئی تھی، جسے عدالت نے قومی سلامتی کے لیے حساس قرار دیا ہے۔
