مودی نے مسلمانوں کے خلاف ر تشدد کو انتخابی مہم کا موثر ہتھیار بنا لیا

مسلمانوں کے خلاف نفرت انگیز مہمات اور پرتشدد کارروائیوں میں اضافہ :الجزیرہ 
دہلی (آئی این پی )بھارتی وزیراعظم نریندر مودی نے مسلمانوں کے خلاف نفرت اور تشدد کو اپنی انتخابی مہم کا موثر ہتھیار بنا لیا۔الیکشن کے دوران بی جے پی اور انتہا پسند تنظیم آر ایس ایس کی جانب سے مسلمانوں کے خلاف نفرت انگیز مہمات اور پرتشدد کارروائیوں میں نمایاں اضافہ دیکھا جا رہا ہے۔الجزیرہ کی رپورٹ کے مطابق بی جے پی کی حکومت والی ریاستوں میں انتخابی دور کے دوران مسلمانوں کے خلاف نفرت انگیز تقاریر بڑھ جاتی ہیں، سوشل میڈیا پر مسلمانوں کے خلاف نفرت پھیلانے والی پوسٹیں تیزی سے وائرل کی جاتی ہیں جبکہ بھارتی میڈیا انہیں ملک دشمن اور مجرم کے طور پر پیش کرتا ہے۔رپورٹ میں مزید کہا گیا ہے کہ مسلمانوں کے قتل، گھروں پر حملوں اور دکانوں کو نذرِ آتش کرنے جیسے واقعات کو بھارتی میڈیا معمول کی کارروائیاں قرار دیتا ہے، انتہا پسند ہندو گروہ مسلمانوں پر حملوں کے بعد جشن مناتے ہیں جبکہ ایسے واقعات کو رپورٹ کرنے والے صحافی بھی نشانہ بنتے ہیں