انڈین پریمیئر لیگ ایک بار پھر میدان میں ہونے والے غیر معمولی واقعات کے باعث توجہ کا مرکز بن گئی۔
ممبئی انڈینز اور کولکتہ نائٹ رائیڈرز کے درمیان میچ کے دوران ایک موقع پر فیلڈرز کی جانب سے ایک کیچ کے موقع پر غیر معمولی صورتحال دیکھنے میں آئی۔ دسویں اوور میں رومن پاول کے شاٹ پر گیند ہوا میں بلند ہوئی تو ڈیپ مڈ وکٹ اور ڈیپ اسکوائر لیگ پر موجود فیلڈرز کیچ لینے کے لیے دوڑے، تاہم دونوں کھلاڑی آخری لمحے میں گیند کے قریب پہنچ کر رک گئے اور کیچ نہ ہوسکا۔یہ پہلا موقع نہیں کہ اس سیزن میں فیلڈنگ کے ایسے مناظر سامنے آئے ہوں۔ اس سے قبل بھی مختلف میچز میں آسان کیچز ڈراپ ہونے کے واقعات رپورٹ کیے گئے ہیں، جس پر شائقین کرکٹ میں بحث جاری ہے۔مزید یہ کہ مختلف غیر مصدقہ سوشل میڈیا دعووں میں ڈریسنگ روم کے اندرونی ماحول سے متعلق بھی مختلف باتیں گردش کرتی رہی ہیں، تاہم ان کی آزادانہ تصدیق موجود نہیں۔
