شالیمار ایکسپریس کی ٹرالی کو ٹکر:5زخمی

ٹریکٹرٹرالی آئل ختم ہونے کے باعث پھاٹک پر کھڑی تھی،ٹکر سے انجن سمیت 12 سے زائد بوگیاں پٹری سے اترگئیں
 فیصل آباد(خصوصی رپورٹ)فیصل آباد میں شالیمار ایکسپریس پھاٹک پر کھڑی ٹریکٹر ٹرالی سے ٹکراگئی جس کے نتیجے میں 5افراد زخمی ہوگئے،ریلوے حکام کے مطابق حادثے میں انجن سمیت 12 سے زائد بوگیاں پٹری سے اترگئیں،ٹریکٹرٹرالی آئل ختم ہونے کے باعث پھاٹک پر کھڑی تھی، حادثے کے بعد ٹریکٹر ٹرالی کا ڈرائیور فرار ہوگیا۔ حکام کے مطابق ٹرین کراچی سے لاہور آرہی تھی۔حکام کے مطابق ٹریک کلیئر کرنے میں تقریباً 6 گھنٹے لگیں گے۔