انگلینڈ کرکٹ ٹیم کے کپتان بین اسٹوکس ایک بار پھر ٹیم کی قیادت سنبھالنے کے لیے تیار ہیں، جبکہ فاسٹ بولر گس ایٹکنسن کی بھی ٹیم میں واپسی ہو گئی ہے۔
تفصیلات کے مطابق انگلینڈ اینڈ ویلز کرکٹ بورڈنے دونوں کھلاڑیوں کی جانب سے ٹیم کرفیو کی خلاف ورزی کے معاملے کو نظر انداز کرتے ہوئے انہیں دوبارہ اسکواڈ میں شامل کرنے کا فیصلہ کیا ہے۔ہیڈ کوچ برینڈن میک کولم نے تصدیق کی ہے کہ بین اسٹوکس نیوزی لینڈ کے خلاف تیسرے اور فیصلہ کن ٹیسٹ میں بطور کپتان واپسی کریں گے۔ یہ میچ انگلینڈ اور نیوزی لینڈ کرکٹ ٹیموں کے درمیان کھیلا جائے گا۔اس سے قبل اسٹوکس اور گس ایٹکنسن کو ڈسپلن کے معاملے پر دوسرے ٹیسٹ سے باہر رکھا گیا تھا، جبکہ دونوں کو عارضی طور پر کاؤنٹی کرکٹ سے بھی واپس بلا لیا گیا تھا۔اب ان دونوں اہم کھلاڑیوں کی واپسی کے بعد انگلینڈ نے فیصلہ کن ٹیسٹ سے قبل اپنی حکمت عملی واضح کر دی ہے۔ کوچ میک کولم کے مطابق اسٹوکس کی واپسی سے ٹیم میں نیا جوش اور اعتماد پیدا ہوگا۔تیسرا اور فیصلہ کن ٹیسٹ لندن کے تاریخی گراؤنڈ ٹرینٹ برج میں کھیلا جائے گا، جبکہ حتمی اسکواڈ کا اعلان جلد متوقع ہے۔
