ٹاؤن شپ کے علاقے میں ایک افسوسناک واقعہ پیش آیا جہاں دسویں جماعت کے ایک نوجوان طالبعلم نے خودکشی کر لی۔
پولیس کے مطابق جاں بحق ہونے والے طالبعلم کی شناخت 18 سالہ عثمان کے نام سے ہوئی ہے۔ ابتدائی تفتیش میں سامنے آیا ہے کہ عثمان نے گھر میں اپنے گلے میں پھندا ڈال کر خودکشی کی۔ واقعے کی اطلاع ملتے ہی پولیس اور کرائم سین یونٹ موقع پر پہنچ گئے اور شواہد اکٹھے کر کے قانونی کارروائی کا آغاز کر دیا گیا۔پولیس حکام کا کہنا ہے کہ واقعے کی مختلف پہلوؤں سے تحقیقات کی جا رہی ہیں۔ متوفی کے اہلِ خانہ، دوستوں اور تعلیمی ادارے سے وابستہ افراد سے بھی معلومات حاصل کی جا رہی ہیں تاکہ یہ معلوم کیا جا سکے کہ عثمان نے انتہائی قدم کیوں اٹھایا۔ تاحال خودکشی کی کوئی حتمی وجہ سامنے نہیں آ سکی۔
پولیس نے شہریوں سے اپیل کی ہے کہ اگر کسی کو ذہنی دباؤ، مایوسی یا خودکشی کے رجحانات کا سامنا ہو تو فوری طور پر متعلقہ اداروں یا اہلِ خانہ کو آگاہ کریں تاکہ بروقت مدد فراہم کی جا سکے۔ حکام کے مطابق ایسے واقعات کی روک تھام کے لیے سماجی اور خاندانی سطح پر آگاہی اور تعاون بے حد ضروری ہے۔
