اسرائیلی سیکیورٹی فورسز نے مغربی کنارے کے شہر جنین پر ہیلی کاپٹروں کے ذریعے تازہ ترین حملہ کیا، جس کے نتیجے میں کم از کم 9 فلسطینی شہید اور 35 زخمی ہو گئے۔
یہ حملہ ایسے وقت میں کیا گیا جب اسرائیل اور فلسطینیوں کے درمیان جنگ بندی معاہدہ ہونے کے باوجود اسرائیل کی کارروائیاں جاری ہیں۔ اسرائیلی وزیراعظم بنجمن نیتن یاہو نے اس حملے کو "بڑا اور اہم فوجی آپریشن" قرار دیا۔یہ حملہ امریکی صدر ڈونلڈ ٹرمپ کے اس اعلان کے بعد کیا گیا تھا کہ وہ فلسطینی دیہاتوں پر حملہ کرنے والے اسرائیلی آبادکاروں پر سے پابندیاں ہٹا رہے ہیں۔ اس حملے کے دوران اسرائیلی فورسز نے مغربی کنارے کے شہر جنین میں فلسطینیوں کو نشانہ بنایا، جس کے نتیجے میں متعدد افراد شہید اور زخمی ہوئے۔ فلسطینی ہیلتھ سروسز کے مطابق، 9 افراد کی شہادت کی تصدیق کی گئی ہے، جبکہ زخمیوں کی تعداد 35 سے زائد ہے۔
اسرائیلی وزیراعظم بنجمن نیتن یاہو نے کہا کہ اسرائیل ایرانی گٹھ جوڑ کے خلاف منظم اور مضبوط طریقے سے کارروائیاں کر رہا ہے، چاہے وہ غزہ، لبنان، شام یا مقبوضہ مغربی کنارے میں ہو۔ نیتن یاہو نے اسرائیل کے اس اقدامات کو جنگجوؤں کے خلاف نئی کارروائی قرار دیا، اور اس سے پہلے جنین پناہ گزین کیمپ میں ہونے والے فضائی حملے میں بھی فلسطینیوں کی جانیں گئیں تھیں۔یہ حملہ جنگ بندی معاہدے کے باوجود اسرائیل کی جانب سے فلسطینیوں کے خلاف جاری جارحیت کو ظاہر کرتا ہے اور علاقے کی صورتحال کو مزید پیچیدہ بناتا ہے۔
