فریال تالپور سے وزیراعلیٰ میر سرفراز بگٹی‘وزراء،مشیران، پارلیمانی سیکرٹریز و ایم پی ایزکی ملاقات

صوبے کی مجموعی سیاسی،انتظامی،معاشی صورتحال، عوامی فلاح وبہبود کے منصوبوں اور تنظیمی امور پر اہم گفتگو کی گئی
کراچی(آن لائن) پاکستان پیپلز پارٹی شعبہ خواتین کی مرکزی صدر و رکن سندھ اسمبلی محترمہ فریال تالپور سے وزیراعلیٰ بلوچستان میر سرفراز بگٹی اور بلوچستان سے پارٹی وزراء،مشیران، پارلیمانی سیکرٹریز و اراکین صوبائی اسمبلی کی ملاقات ہوئی۔ملاقات میں صوبے کی مجموعی سیاسی،انتظامی،معاشی صورتحال، عوامی فلاح وبہبود کے منصوبوں اور تنظیمی امور پر اہم گفتگو کی گئی۔ملاقات میں صوبائی صدر پی پی پی بلوچستان سردار محمد عمر گورگیج، جنرل سیکرٹری ربانی خان کاکڑ، سیکرٹری اطلاعات و صوبائی وزیر منصوبہ بندی میر ظہور بلیدی، ڈپٹی اسپیکر بلوچستان اسمبلی و صدر شعبہ خواتین پی پی پی بلوچستان غزالہ گولہ موجود تھیں۔ملاقات میں سابق وزیر اعلی نواب ثناء اللہ زہری، قومی اسمبلی میں پاکستان پیپلزپارٹی کے چیپ وہیپ اعجاز جھاکرانی ودیگر بھی موجود تھے۔