گھوٹکی کے علاقے میں پسند کی شادی نہ ہونے پر ایک افسوسناک واقعہ پیش آیا، جس میں نوجوان لڑکی اور لڑکے نے مبینہ طور پر خودکشی کر لی ہے۔
واقعہ کی تفصیلات کے مطابق، لوانیا مینگھواڑ اور دھیرج مینگھواڑ نامی دونوں نوجوانوں نے نشہ آور گولیاں کھا کر اپنی زندگی کا خاتمہ کیا۔اہلِ علاقہ کا کہنا ہے کہ دونوں نوجوان ایک دوسرے سے محبت کرتے تھے اور پسند کی شادی نہ ہونے کے سبب شدید ذہنی دباؤ کا شکار تھے۔ اس دباؤ کے تحت انہوں نے یہ اقدام کیا۔واقعہ کی خبر ملنے کے بعد، دھیرج مینگھواڑ نے بھی مبینہ طور پر اپنی زندگی کا خاتمہ کر لیا۔ دونوں نوجوانوں کی خودکشی کے بعد علاقے میں غم کی لہر پھیل گئی اور خاندان سوگ میں ڈوب گئے۔
پولیس ترجمان کے مطابق، واقعے کی تحقیقات جاری ہیں اور مختلف پہلوؤں سے معاملے کا جائزہ لیا جا رہا ہے تاکہ اصل وجوہات معلوم کی جا سکیں۔۔ علاقے اور خاندان میں غم و غصہ کی فضا ہے، اور یہ واقعہ معاشرتی مسائل اور پسند کی شادی کے حوالے سے جاری بحث کو بھی ہوا دے رہا ہے۔
