بھارت کے شہر بنگلور میں ایک کیب ڈرائیور کا مسافروں کو دیا گیا انتباہی نوٹ سوشل میڈیا پر وائرل ہوگیا، جس میں خاص طور پر رومانوی جوڑوں سے کہا گیا ہے کہ وہ ایک دوسرے سے فاصلہ رکھیں اور پرسکون رہیں۔
اس نوٹ میں لکھا تھا: ’’وارننگ! محبت نہیں۔ یہ ایک کیب ہے، آپ کی نجی جگہ یا OYO نہیں، لہٰذا براہ کرم فاصلہ رکھیں اور پرسکون رہیں۔‘‘یہ نوٹ ریڈٹ پر شیئر کی گئی ایک تصویر میں دکھایا گیا، جس کے بعد سوشل میڈیا پر صارفین نے اس پر دلچسپ اور مزاحیہ تبصرے کیے۔ کچھ نے کہا کہ یہ پیغام شاید ڈرائیور کے پچھلے تجربات کی وجہ سے آیا ہوگا، کیونکہ اس نے ممکنہ طور پر کیب میں کچھ ایسی صورتحال دیکھی ہوگی جس نے اسے یہ نوٹ لکھنے پر مجبور کیا۔صارفین نے اس پیغام پر ہنسی مذاق کیا اور کہا کہ اس طرح کے جذباتی مظاہرے گاڑی جیسے بند مقام پر کرنے سے ڈرائیور کو بے چین کرنا بھی ایک مسئلہ بن سکتا ہے۔ اس نے شہری زندگی کے مخصوص ماحول کو بھی اجاگر کیا، جہاں عوامی مقام پر اس طرح کی پرائیویسی کا احترام ضروری ہوتا ہے۔
