حال ہی میں مشہور برطانوی بینڈ کولڈ پلے کے ایک کنسرٹ کے دوران پیش آئے ایک ذاتی نوعیت کے اسکینڈل نے سوشل میڈیا پر تہلکہ مچا دیا ہے۔
یہ واقعہ تب منظر عام پر آیا جب ایک امریکی کمپنی Astronomer کے سی ای او اینڈی بائرن (Andy Byron) اور کمپنی کی چیف پیپلز آفیسر کرسٹن کیبوٹ (Kristen Cabot) کی ایک ویڈیو سوشل میڈیا پر وائرل ہوگئی، جس میں دونوں کو ایک دوسرے کے ساتھ قربت میں دیکھا گیا۔
صارفین کا ردعمل اور ’دی سمپسنز‘ کی "پیش گوئی"
جیسے ہی یہ ویڈیو پھیلی، سوشل میڈیا پر میمز اور تبصروں کا طوفان آ گیا۔ کچھ صارفین نے اس واقعے کو مشہور اینی میٹڈ امریکی سیریز "دی سمپسنز" (The Simpsons) سے جوڑ دیا۔ دعویٰ کیا جا رہا ہے کہ اس سیریز نے برسوں پہلے ہی اس واقعے کی "پیش گوئی" کر دی تھی۔مختلف پلیٹ فارمز پر دی سمپسنز کی ایک تصویر وائرل ہو رہی ہے، جس میں دو کردار تقریباً انہی پوز اور لباس میں دکھائی دے رہے ہیں جیسا کہ اینڈی اور کرسٹن کو ویڈیو میں دیکھا گیا۔ انٹرنیٹ صارفین نے دونوں تصاویر کو ساتھ رکھ کر شیئر کرنا شروع کر دیا، جن میں حیران کن مشابہت بتائی جا رہی ہے۔
تصویر کی حقیقت
اگرچہ بہت سے صارفین اسے ’دی سمپسنز‘ کی ایک اور درست پیش گوئی قرار دے رہے ہیں، لیکن میڈیا رپورٹس کے مطابق یہ تصویر حقیقی نہیں بلکہ افواہ پر مبنی یا ممکنہ طور پر AI کے ذریعے تخلیق کردہ ہے۔ ابھی تک اس تصویر کی اصلیت کی تصدیق نہیں ہو سکی ہے اور اسے زیادہ تر ماہرین نے تفریحی سازش قرار دیا ہے۔
کمپنی کی جانب سے کوئی مؤقف سامنے نہیں آیا
تاحال Astronomer کمپنی یا دونوں افسران کی جانب سے اس معاملے پر کوئی باضابطہ بیان جاری نہیں کیا گیا ہے۔ اس خاموشی نے بھی قیاس آرائیوں کو مزید تقویت دی ہے۔
