وال چاکنگ ، بینرز، فلیکسز کے خلاف کریک ڈائون

 لاہور(کرائم رپورٹر)وزیر اعلیٰ سیکرٹریٹ نے لاہور پولیس کو وال چاکنگ کے خلاف سخت کارروائی کی ہدایت جاری کر دی ہے، جس کے بعد لاہور میں وال چاکنگ، تشہیری بینرز اور فلیکسز کے خلاف کریک ڈائون کا آغاز کر دیا گیا ہے۔اس سلسلے میں سٹی ڈسٹرکٹ گورنمنٹ اور لاہور پولیس کو مشترکہ کارروائی کا ٹاسک سونپ دیا گیا ہے جبکہ شہر بھر میں غیر قانونی تشہیری مواد ہٹانے کی مہم تیز کر دی گئی ہے۔ذرائع حکام کے مطابق وال چاکنگ اور فلیکسز لگانے والوں کے خلاف بلا امتیاز کارروائی عمل میں لائی جائے گی۔پولیس کو ہدایت دی گئی ہے کہ سٹی ڈسٹرکٹ گورنمنٹ کی جانب سے دائر استغاثوں پر فوری مقدمات درج کیے جائیں جبکہ ایف آئی آر کے اندراج میں کسی قسم کی تاخیر برداشت نہیں کی جائے گی۔