پاکستان سپر لیگ (PSL) 11 کے پلیئرز آکشن سے قبل لوکل کھلاڑیوں کی ممکنہ نئی کیٹیگریز کی فہرست سامنے آ گئی ہے۔
ذرائع کے مطابق ٹیموں نے اپنے اہم کھلاڑیوں کی کیٹیگریز میں تبدیلیاں کی ہیں تاکہ مقابلے میں توازن اور طاقت برقرار رہے۔
اسلام آباد یونائیٹڈ:
شاداب خان، عماد وسیم اور نسیم شاہ پلاٹینم کیٹیگری میں برقرار رکھے گئے ہیں۔ صاحبزادہ فرحان گولڈ میں شامل ہیں جبکہ سلمان علی آغا اور محمد نواز ڈائمنڈ سے پلاٹینم میں شامل ہو گئے ہیں۔ وکٹ کیپر بیٹر اعظم خان ڈائمنڈ سے گولڈ میں منتقل ہو گئے ہیں۔
کراچی کنگز:
حسن علی ڈائمنڈ سے پلاٹینم میں آ گئے ہیں، جبکہ عباس آفریدی پلاٹینم سے ڈائمنڈ میں چلے گئے ہیں۔ خوشدل شاہ اور عامر جمال ڈائمنڈ سے گولڈ میں منتقل ہوئے ہیں، اور عرفات منہاس گولڈ سے سلور میں آ گئے ہیں۔ شان مسعود ڈائمنڈ میں برقرار ہیں۔
لاہور قلندرز:
شاہین آفریدی، فخر زمان اور حارث رؤف پلاٹینم کیٹیگری میں برقرار ہیں۔ سلمان مرزا گولڈ سے ڈائمنڈ میں آ گئے ہیں، جبکہ محمد نعیم ایمرجنگ سے سلور میں شامل ہو گئے ہیں۔
پشاور زلمی:
بابر اعظم اور صائم ایوب پلاٹینم میں برقرار ہیں۔ محمد حارث اور محمد علی ڈائمنڈ سے گولڈ میں منتقل ہو گئے ہیں۔
ملتان سلطانز:
محمد رضوان پلاٹینم کیٹیگری میں برقرار ہیں۔ اسامہ میر اور افتخار احمد پلاٹینم سے ڈائمنڈ میں شامل ہو گئے ہیں۔ محمد حسنین ڈائمنڈ سے گولڈ میں منتقل ہوئے جبکہ عاکف جاوید سلور سے گولڈ میں شامل ہو گئے ہیں۔
کوئٹہ گلیڈی ایٹرز:
فہیم اشرف اور محمد عامر پلاٹینم میں برقرار ہیں۔ ابرار احمد ڈائمنڈ سے پلاٹینم میں آ گئے ہیں۔ وسیم جونیئر گولڈ سے ڈائمنڈ میں منتقل ہوئے جبکہ عثمان طارق سلور سے ڈائمنڈ میں شامل ہو گئے ہیں۔ خواجہ نافع سلور اور حسن نواز ایمرجنگ سے گولڈ میں شامل ہو گئے ہیں۔
ذرائع کے مطابق یہ کیٹیگریز کھلاڑیوں کی حالیہ فارم، تجربے اور ٹیم کی ضروریات کے مطابق ترتیب دی گئی ہیں تاکہ PSL 11 میں مقابلے کا معیار بلند رہے اور ٹیمیں اپنی طاقت کے مطابق مضبوط ہوں۔
