پولیس :اولیو گرین یونیفارم کی خریداری ، 2سال بعد کنٹریکٹ جاری

لاہور(کرائم رپورٹر)پنجاب پولیس نے اولیو گرین یونیفارم کی خریداری کے لیے 2سال بعد کنٹریکٹ جاری کر دیا ہیحکام کے مطابق گزشتہ سال وردی کی خریداری میں تاخیر کے باعث کنٹریکٹ جاری نہیں کیا جا سکا تھا، تاہم رواں سال باقاعدہ عمل مکمل کر لیا گیا ہیپولیس حکام کا کہنا ہے کہ فنانشل بڈ میں کم ترین ریٹ دینے پر گوہر برادرز کو یونیفارمز کی فراہمی کا کنٹریکٹ دیا گیا۔ فی یونیفارم 4 ہزار 800 روپے میں خریدی جائے گی، جبکہ ٹی شرٹس کی خریداری کا کنٹریکٹ عثمان ٹریڈرز کو فی ٹی شرٹ 1 ہزار روپے کے حساب سے دیا گیا ہیحکام کے مطابق افسران اور اہلکاروں کے لیے مجموعی طور پر 2 لاکھ 30 ہزار یونیفارمز خریدی جائیں گی اور یونیفارمز و اسسریز کے لیے ڈیڑھ ارب روپے سے زائد فنڈز مختص کیے گئے ہیں۔ فنانشل بڈ کے عمل میں دو کمپنیوں نے حصہ لیا تھا اور کم ریٹ کی بنیاد پر کنٹریکٹ ایوارڈ کیا گیاپولیس حکام نے واضح کیا ہے کہ کنٹریکٹ حاصل کرنے والی فرم مقررہ معیار اور وقت کے مطابق یونیفارمز فراہم کرنے کی پابند ہوگی۔ رواں سال ہر جوان کو دو، دو یونیفارمز فراہم کی جائیں گی تاکہ ڈیوٹی کے دوران معیار اور یکسانیت برقرار رکھی جا سکے۔