ویب ڈیسک: چیمپئنز ٹرافی کے پہلے میچ میں نیوزی لینڈ کے خلاف بیٹنگ کے دوران انجری کا شکار ہونے والے فخر زمان آؤٹ ہونے کے بعد شدید جذباتی ہوگئے اور ڈریسنگ روم میں پھوٹ پھوٹ کر رو پڑے۔
ویڈیو وائرل
سوشل میڈیا پر سامنے آنے والی ایک ویڈیو میں فخر زمان کو اداس انداز میں بوجھل قدموں کے ساتھ پویلین کی طرف بڑھتے دیکھا جا سکتا ہے۔ جیسے ہی وہ ڈریسنگ روم میں پہنچے، وہ رو پڑے، جس پر ساتھی کھلاڑیوں، بشمول شاہین شاہ آفریدی نے انہیں حوصلہ دیا اور تسلی دی۔
انجری کے باعث مشکلات
ذرائع کے مطابق، فخر زمان کی انجری ان کے کھیل پر اثر انداز ہو رہی تھی، جس کی وجہ سے وہ بہترین پرفارمنس دینے میں کامیاب نہ ہو سکے۔ طبی ماہرین ان کی انجری کا جائزہ لے رہے ہیں تاکہ آئندہ میچز میں ان کی دستیابی سے متعلق فیصلہ کیا جا سکے۔
مداحوں کی دعا
فخر زمان کے جذباتی لمحے نے مداحوں کو بھی افسردہ کر دیا، سوشل میڈیا پر شائقین کرکٹ ان کے لیے نیک تمناؤں اور جلد صحت یابی کی دعائیں کر رہے ہیں۔
