لاہور: وحدت کالونی میں کم سن بچی کو ہراساں کرنے والا ملزم پولیس کے ہاتھوں گرفتار ہوگیا۔
گرفتاری کی تفصیل
پولیس کے مطابق ملزم کی شناخت وقار کے نام سے ہوئی جو ضلع قصور کا رہائشی ہے۔سی سی ڈی ماڈل ٹاؤن نے کاہنہ میں چھاپہ مار کر ملزم کو گرفتار کرنے کی کوشش کی۔
زخمی ہونے کا واقعہ
ترجمان پولیس کے مطابق گرفتاری سے بچنے کی کوشش میں ملزم نے اپنی شلوار کے نیفے سے پستول نکالا۔اس دوران غلطی سے ٹریگر دبنے سے گولی چل گئی جو ملزم کو پیٹ کے نچلے اور نازک حصے کے قریب جا لگی۔زخمی ملزم کو فوری طور پر اسپتال منتقل کر دیا گیا، جہاں اس کا علاج جاری ہے۔
پس منظر
پولیس کا کہنا ہے کہ پنجاب میں بچوں سے زیادتی کے ملزمان کے زخمی یا ہلاک ہونے کے اس طرح کے واقعات ماضی میں بھی رپورٹ ہو چکے ہیں۔
