انڈونیشیا کے جزیرے جاوا میں واقع معروف آتش فشاں ماؤنٹ سیمیرو کے پھٹنے کے بعد ریسکیو آپریشنز جاری ہیں۔
اس قدرتی آفت کے نتیجے میں 900 سے زائد افراد کو محفوظ مقام پر منتقل کیا گیا ہے، جن میں سے 170 کوہ پیما بھی شامل ہیں جنہیں بحفاظت واپس لانے کے لیے خصوصی اقدامات کیے گئے ہیں۔خبر کے مطابق، سیمیرو کے 10 بار پھٹنے کے بعد الرٹ سطح بلند رکھی گئی تھی، اور پھٹنے کے بعد راکھ کا بڑے پیمانے پر اخراج ہوا۔ ماؤنٹ سیمیرو، جو تقریباً 3,676 میٹر بلند ہے، انڈونیشیا کے 130 فعال آتش فشاں میں سے ایک ہے اور اسے ’پیسفک رنگ آف فائر‘ کے نام سے بھی جانا جاتا ہے۔
حکام کے مطابق، مقامی لوگوں کو ریسکیو کر کے عارضی پناہ گاہوں میں منتقل کیا گیا، جبکہ وہ کوہ پیما جو رات گزارنے کے لیے جھیل کے کنارے کیمپنگ ایریا میں موجود تھے، ان کی بھی حفاظت کے لیے فوری کارروائی کی گئی۔ انڈونیشیا میں اس قسم کے فعال آتش فشاں اکثر خطرناک صورتحال پیدا کرتے رہتے ہیں، اور حکام مسلسل الرٹ رہتے ہوئے مقامی آبادی کی حفاظت کو یقینی بنا رہے ہیں۔
