حکومت پنجاب نے انسانی جانوں کے تحفظ کو ترجیح دیتے ہوئے عیدالفطر کے موقع پر ملتان سمیت صوبہ بھر میں عارضی مکینیکل جھولوں پر مکمل پابندی عائد کر دی ہے۔
نوٹیفکیشن اور پابندی:
میلوں، فیسٹیولز اور عارضی مقامات پر لگنے والے تمام تفریحی جھولے بند رہیں گے۔پارکوں میں مستقل بنیادوں پر نصب جھولے صرف فٹنس سرٹیفکیٹ کی بنیاد پر چلانے کی اجازت ہوگی۔
ضلعی انتظامیہ ملتان کے اقدامات:
ڈپٹی کمشنر نعمان صدیق نے تمام جھولوں کی سیفٹی چیکنگ یقینی بنانے کی ہدایت جاری کی۔بغیر فٹنس سرٹیفکیٹ جھولے چلانے والے منتظمین کے خلاف سخت کارروائی کی جائے گی۔
اس سلسلے میں اسسٹنٹ کمشنر سٹی ازکہ سحر کی زیرِ نگرانی خصوصی ٹیمیں فیلڈ میں متحرک ہیں جو مختلف مقامات پر چیکنگ کر رہی ہیں۔
شہریوں کی حفاظت:
انتظامیہ کا کہنا ہے کہ عید کے دوران شہریوں کی حفاظت یقینی بنانے کے لیے کسی بھی قسم کی غفلت برداشت نہیں کی جائے گی۔تمام تفریحی سرگرمیاں مقررہ حفاظتی اصولوں کے مطابق چلائی جائیں گی۔
