بھکاریوں کیخلاف کریک ڈائون تیز

45روز میں 1407 گداگروں  کو چوراہوں ، ٹریفک سگنلز سے ہٹا دیا گیا ،  بھکاریوں   پر10 مقدمات 
لاہور(کرائم رپورٹر)سی ٹی او سید عبدالرحیم شیرازی  کی ہدایت پر ٹریفک پولیس نے گداگروں کے خلاف کریک ڈاؤن میں مزید تیزی کر دی ہیترجمان ٹریفک پولیس کے مطابق گزشتہ 45 روز کے دوران مجموعی طور پر 1407 گداگروں کے خلاف کارروائیاں کی گئیں۔اعداد و شمار کے مطابق کارروائیوں کے دوران 510 خواتین، 620 مرد، 190 بچوں اور 200 سے زائد خواجہ سراؤں کو مختلف چوراہوں اور ٹریفک سگنلز سے ہٹایا گیا۔ عادی پیشہ ور گداگروں اور جعلی معذوری کا بہانہ بنا کر بھیک مانگنے والوں کے خلاف 10 مقدمات بھی درج کیے گئے ہیں۔پر نیا قانون متعارٹریفک پولیس نے 997 بھکاریوں کو ایدھی ہومز کے مراکز کے حوالے کیا، جبکہ 26 بچوں کو   چائلڈ پروٹیکشن کے سپرد کیا گیا تاکہ ان کی مناسب دیکھ بھال اور بحالی ممکن بنائی جا سکیسی ٹی او لاہور نے ہدایت کی ہے کہ شہر کی مصروف اور اہم شاہراہوں کو گداگروں سے پاک رکھنے کیلئے کارروائیاں جاری رکھی جائیں ان کا کہنا تھا کہ پیشہ ور گداگری نہ صرف ٹریفک کی روانی متاثر کرتی ہے بلکہ شہریوں کی حفاظت اور نظم و ضبط کیلئے بھی چیلنج بنتی ہے، اس لیے اس کے خلاف بلاامتیاز کارروائی عمل میں لائی جا رہی ہے