نیویارک، ٹائمزسکوائر پر فائرنگ ، 17سالہ نوجوان گرفتار

 باسکٹ بال چمپئن نیویارک نِکس کی کامیابی پر تقریبات کے دوران واقعہ پیش آیا
نیویارک(آئی این پی )نیویارک کے مصروف ترین علاقے ٹائمز اسکوائر میں فائرنگ کے واقعے کے بعد خوف و ہراس پھیل گیا جبکہ بھگدڑ مچنے کے نتیجے میں ایک شخص زخمی ہو گیا۔پولیس
کے مطابق واقعہ کے بعد علاقے میں موجود سیاح اور شہری جان بچانے کیلئے اِدھر ادھر بھاگنے لگے۔حکام کا کہنا ہے کہ 17 سالہ مشتبہ لڑکے کو پولیس نے فوری تعاقب کے بعد حراست میں لے لیا ہے جبکہ زخمی کو اسپتال منتقل کر دیا گیا ۔واقعہ ایسے وقت پیش آیا جب باسکٹ بال چیمپئن نیویارک نِکس کی کامیابی کے حوالے سے شہر میں تقریبات جاری تھیں اور سیکیورٹی کے لیے 10,000 پولیس اہلکار تعینات تھے۔یاد رہے کہ 16 جون کو بھی نِکس کی تاریخی کامیابی کے بعد ٹائمز اسکوائر میں فائرنگ کا واقعہ پیش آیا تھا جس میں ایک 17 سالہ لڑکا زخمی ہو گیا تھا۔