پاکستان سمیت دنیا بھر میں فیس بک اور انسٹا گرام سروسز متاثر،صارفین کومشکلات

پاکستانی وقت کے مطابق دوپہر ایک بجے کے قریب فیس بک ڈائون کی سرچز میں نمایاں اضافہ دیکھنے میں آیا
اسلام آباد(آئی این پی )پاکستان سمیت دنیا بھر میں سوشل میڈیا پلیٹ فارم فیس بک اور انسٹا گرام کی سروسز متاثر ہوگئیں، جس کے باعث صارفین کو مشکلات کا سامنا ہے۔رپورٹ کے مطابق دنیا کے مختلف ممالک میں صارفین کو میٹا کی ان سروسز میں اکائونٹس تک رسائی میں مشکلات کا سامنا کرنا پڑ رہا ہے۔صارفین نے بتایا کہ جب بھی وہ ایپ یا ویب سائٹ پر سائن ان ہونے کی کوشش کرتے ہیں تو اکائونٹ کی عارضی عدم دستیابی کا میسج سامنے آتا ہے۔اس کے ساتھ ساتھ اس میسج میں لکھا ہوتا ہے کہ ایسا سائٹ میں مسئلے کی وجہ سے ہوا ہے اور اسے جلد حل کرلیا جائے گا تو کچھ دیر بعد دوبارہ کوشش کریں۔ڈائو ن ڈیٹیکٹر ویب سائٹ کے مطابق پاکستانی وقت کے مطابق دوپہر ایک بجے کے قریب فیس بک ڈائون کی سرچز میں نمایاں اضافہ دیکھنے میں آیا۔متعدد صارفین نے دیگر سوشل میڈیا پلیٹ فارمز جیسے ایکس (ٹوئٹر) پر فیس بک سروس متاثر ہونے کے بارے میں بتایا گیا۔ابھی تک میٹا کی جانب سے اس حوالے سے کوئی بیان جاری نہیں کیا گیا۔ یہ واضح نہیں کہ دونوں پلیٹ فارمز میں کیا تکنیکی خرابی ہوئی ہے یا سروسز کب تک بحال ہو ں گی۔