سعودی عرب:تیز ہوائوں، ژالہ باری اور سیلاب کا خطرہ: مکہ اور مدینہ میں ہائی الرٹ

 ریاض(آ ئی این پی )سعودی عرب میں موسم میں بڑی تبدیلی دیکھنے میں آ رہی ہے، جہاں کئی علاقوں میں شدید بارشوں کے باعث سیلابی صورتحال پیدا ہونے کا خدشہ ہے۔ سعودی نیشنل سینٹر فار میٹرولوجی نے الرٹ جاری کرتے ہوئے خبردار کیا ہے کہ یہ شدید موسمی صورتحال آ ج جمعرات 20فروری تک برقرار رہے گی۔ اس دوران مختلف علاقوں میں تیز ہوائیں، ژالہ باری اور موسلادھار بارش متوقع ہے۔سعودی محکمہ موسمیات نے آئندہ تین دنوں تک ملک کے مختلف حصوں میں بارش کی پیش گوئی کی ہے، جن میں دارالحکومت ریاض، حائل، القصیم، مشرقی صوبہ، شمالی سرحدی علاقے، مکہ مکرمہ اور مدینہ منورہ شامل ہیں۔