دبئی سے اسلام آباد پہنچنے والے شہری میں منکی پاکس کی تصدیق

اسلام آباد(آئی این پی) ملک میں منکی پاکس کا ایک اور کیس رپورٹ ہوا ہے۔قومی ادارہ صحت کے مطابق منکی پاکس کا 42 سالہ مریض اٹک کا رہائشی ہے اور  مریض 15 اگست کو دبئی سے اسلام آباد پہنچا تھا۔رپورٹ کے مطابق قومی ادارہ صحت نے 18 اگست کو مریض میں منکی پاکس کی تصدیق کی جس کے بعد منکی پاکس کے مریض کو گھر پر آئیسولیشن میں رکھا گیا ہے۔ حکام کے مطابق بی ایچ ایس کے عملے نے مسافر میں منکی پاکس علامات کی تصدیق کی، علامات موجودگی پر مریض کو ایئرپورٹ سے پمز منتقل کیا گیا۔ قومی ادارہ صحت کے حکام کا کہنا ہیکہ پاکستان میں منکی پاکس کی لوکل ٹرانسمیشن نہیں ہورہی ہے تاہم اس حوالے سے ذرائع کا بتانا ہیکہ کے پی میں منکی پاکس کی لوکل ٹرانسمیشن ہورہی ہے۔