اسلام آباد:اسلام آباد میں بائیکیا رائیڈر پر تشدد اور گالم گلوچ کرنے والی خاتون کی شناخت کر لی گئی ہے۔ پولیس ذرائع کے مطابق ملزمہ معصومہ کھوکھر ہے، جو بنی گالہ کی رہائشی ہے۔
مقدمہ درج، ملزمہ روپوش
پولیس کا کہنا ہے کہ گزشتہ روز تھانہ ویمن پولیس میں ملزمہ کے خلاف مقدمہ درج کیا گیا تھا۔ ملزمہ پر بائیکیا رائیڈر کو ہراساں کرنے، گالم گلوچ کرنے اور حملہ کرنے کے الزامات ہیں۔
ملزمہ کی گرفتاری کے لیے کوششیں
پولیس کے مطابق معصومہ کھوکھر کی گرفتاری کے لیے چھاپے مارے جا رہے ہیں، تاہم وہ روپوش ہو چکی ہے۔ پولیس حکام کا کہنا ہے کہ ملزمہ کی گرفتاری کے لیے تمام وسائل بروئے کار لائے جا رہے ہیں اور جلد اسے قانون کے کٹہرے میں لایا جائے گا۔
