عالمی مارکیٹ میں بدھ کو سونے کی قیمت میں اضافے کا رجحان دیکھنے میں آیا، جس کی بڑی وجہ امریکی ٹریژری بانڈز کی ییلڈ میں کمی اور سرمایہ کاروں کی جانب سے امریکی مرکزی بینک (فیڈرل ریزرو) کے جولائی اجلاس کی کارروائی کا انتظار ہے۔
سرمایہ کار اس رپورٹ سے آئندہ کی مانیٹری پالیسی کے حوالے سے اہم اشارے حاصل کرنے کے خواہاں ہیں۔0030 GMT تک اسپاٹ گولڈ کی قیمت 0.2 فیصد بڑھ کر 4,345.33 ڈالر فی اونس ہو گئی ہے، اس سے ایک روز قبل منگل کو عالمی مارکیٹ میں سونے کی قیمت تقریباً 2 فیصد تک گر گئی تھی، تاہم بدھ کے ابتدائی کاروبار میں اس دھات نے اس کمی سے کچھ بحالی کی ہے۔ دوسری جانب، دسمبر میں ڈیلیوری کے لیے امریکی گولڈ فیوچرز کے نرخ 0.6 فیصد کم ہوئے، جس کے بعد ان کی قیمت 4,396.30 ڈالر فی اونس ریکارڈ کی گئی۔قیمتی دھاتوں کی دوسری اہم مارکیٹ میں بھی مختلف رجحانات دیکھنے میں آئے، اسپاٹ سلور کی قیمت 0.5 فیصد کمی کے بعد 62.99 ڈالر فی اونس رہ گئی، جبکہ پلاٹینم 0.3 فیصد بڑھ کر 1,717.03 ڈالر فی اونس پر پہنچ گیا ہے۔ مارکیٹ کے ماہرین کا کہنا ہے کہ سرمایہ کار فیڈرل ریزرو کے اجلاس سے ملنے والے اشاروں کا شدت سے انتظار کر رہے ہیں، جو آئندہ مالی پالیسی کے حوالے سے اہم فیصلے کر سکتا ہے۔
