ویب ڈیسک: وزارتِ مذہبی امور کے ترجمان کے مطابق سرکاری حج سکیم 2025 کے تحت صرف 13 دنوں میں ایک لاکھ 14 ہزار سے زائد درخواستیں موصول ہو چکی ہیں۔
ترجمان نے بتایا کہ اب بھی تقریباً ساڑھے 3 ہزار نشستیں باقی ہیں، اس لیے حج درخواستوں کی وصولی جاری رکھنے کا فیصلہ کیا گیا ہے۔ انہوں نے کہا کہ جیسے ہی یہ نشستیں مکمل ہوں گی، مزید درخواستوں کی وصولی روک دی جائے گی۔
بینکوں کو ہدایات:
اس سلسلے میں نامزد بینکوں کو ہدایات جاری کر دی گئی ہیں کہ وہ مقررہ وقت تک حج درخواستوں کی وصولی کا عمل جاری رکھیں تاکہ زیادہ سے زیادہ خواہشمند افراد فائدہ اٹھا سکیں۔
شہریوں کے لیے اپیل:
ترجمان وزارتِ مذہبی امور نے خواہشمند افراد سے اپیل کی ہے کہ وہ جلد از جلد قریبی بینک میں اپنی درخواست جمع کروا دیں کیونکہ محدود نشستیں باقی رہ گئی ہیں اور ان کے مکمل ہوتے ہی درخواستوں کا سلسلہ بند کر دیا جائے گا۔
