بیٹے نے ماں، بڑے نے چھوٹا بھائی مار ڈالا

قصور کے گائوں کیلو میں ذیشان نے ماں ثوبیہ پرکلہاڑی سے وار کئے،کنڈ کانجواں میں اراضی تنازع پر اسلم نے مختیار پر فائرنگ کی
قصور، پاکپتن(خصوصی رپورٹ)قصور میں بیٹے نے جھگڑے کے دوران اپنی ماں کو جان سے مارڈالا، پاکپتن میں اراضی تنازع پر بڑے بھائی نے چھوٹے بھائی کی جان لے لی۔ قصور کے نواحی گائوں کیلو میں 25سالہ ذیشان کااپنی ماں کیساتھ کسی بات پر جھگڑا ہوگیا، اس دوران ذیشان نے ماں ثوبیہ بی بی پر کلہاڑی کے وار کرکیشدید زخمی کیا، ثوبیہ موقع پرہی دم توڑ گئی۔قتل کے بعد ملزم ذیشان نے خود کو تھانہ صدر پولیس کے حوالے کر دیا۔ادھر پاکپتن کے نواحی علاقہ کْنڈ کانجواں میں دو بھائیوں کے درمیان جاری زمین کے تنازع پر بڑے بھائی اسلم نے فائرنگ کر کے چھوٹے بھائی مختیار چشتی کو موت کے گھاٹ اْتار دیااور موقع سے فرار ہوگیا، پولیس نے لاشوں کو پوسٹمارٹم کیلئے منتقل کرکے تفتیش کا آغاز کردیا۔