لاہور، اتفاقیہ گولی چلنے سے بڑا بھائی جاں بحق، چھوٹا بھائی زخمی

پسٹل سے بچوں نے چھیڑ خانی کی، اسی دوران پسٹل چلنے سے بچوں کو گولی لگی
 احمد ٹائو ن کا 15 سالہ عمر گولی لگنے سے موقع پر چل بسا،9 سالہ محمد ازان ہسپتال داخل
لاہور (کرائم رپورٹر )لاہور میں باغبانپورہ کے علاقے میں مبینہ طور پر خود ہی پسٹل چلنے سے ایک بچہ  جاںبحق  اور دوسرا زخمی ہوگیا۔پولیس کے مطابق احمد ٹائو ن کا رہائشی 15 سالہ عمر گولی لگنے سے جاں بحق ہوگیا جبکہ چھوٹا بھائی 9 سالہ محمد ازان گولی لگنے سے شدید زخمی ہوگیا۔زخمی بچے کو طبی امداد کیلئے  پہلے شالیمار بعد میں جنرل اسپتال منتقل کیا گیا۔پولیس کا کہنا ہے کہ گھر میں موجود پسٹل سے بچوں نے چھیڑ خانی کی اور اسی دوران پسٹل چلنے سے بچوں کو گولی لگی۔پولیس معاملے کی مزید تحقیقات کر رہی ہے، جلد پیش رفت سے آگاہ کیا جائے گا۔