ویب ڈیسک:کمپٹیشن کمیشن آف پاکستان (سی سی پی) نے سوئس گروپ گین ور کو پاکستان کی معروف کمپنی ٹوٹل پارکو کے 50 فیصد شیئرز خریدنے کی منظوری دے دی ہے۔
یہ منظوری سی سی پی کی جانب سے دونوں کمپنیوں کے مابین شیئرز سیلز پرچیز ایگریمنٹ کے تحت دی گئی، جس کے مطابق ٹوٹل انرجیز مارکیٹنگ لمیٹڈ کے پچاس فیصد شیئرز اب ایکواشور ایس اے کو منتقل ہو جائیں گے۔یہ ٹرانزیکشن پاکستان کے توانائی کے شعبے میں گزشتہ ایک سال میں ہونے والی تیسری بڑی ڈیل ہے، جس سے واضح ہوتا ہے کہ عالمی سطح پر توانائی اور پٹرولیم کے شعبے میں غیر ملکی کمپنیوں کی دلچسپی میں اضافہ ہو رہا ہے۔ اس سال کے آغاز میں سعودی آرامکو نے آئل مارکیٹنگ کمپنی گو پیٹرولیم میں 40 فیصد شیئرز حاصل کیے تھے، اور بعد میں سعودی گروپ میسرز وافی انرجی ہولڈنگ لمیٹڈ نے شیل پاکستان لمیٹڈ کے 77.42 فیصد شیئرز اور کنٹرول حاصل کیا۔
گین ور گروپ، جو دنیا کی سب سے بڑی اجناس کی تجارت کرنے والی کمپنیوں میں شامل ہے، ٹریڈنگ اور لاجسٹکس میں وسیع تجربہ رکھتا ہے۔ اس کے ذیلی ادارے، ایکواشور کو پاکستان میں ٹوٹل پارکو کے فیول ریٹیل نیٹ ورک کو آپریٹ کرنے کا فائدہ ہوگا، جو پٹرولیم کی مصنوعات کی فروخت کے اسٹیشنوں کا ایک وسیع نیٹ ورک ہے۔ اسٹریٹجک طور پر گین ور کا تجربہ پاکستان کے توانائی کے شعبے میں مزید ترقی اور سرمایہ کاری کو بڑھانے میں مدد فراہم کرے گا۔کمپٹیشن کمیشن نے اس ٹرانزیکشن کو پاکستان کی "ریٹیل فیول، آٹوموٹیو لبریکنٹس، اور انڈسٹریل لبریکنٹس" مارکیٹ میں کیا ہے، جس سے ملک کی توانائی اور آٹوموٹیو سیکٹرز میں غیر ملکی سرمایہ کاری کے مثبت رجحان کو ظاہر کیا گیا ہے۔اس طرح کی ٹرانزیکشنز پاکستان کے توانائی کے شعبے میں عالمی سطح کی کمپنیوں کی بڑھتی ہوئی دلچسپی کو واضح کرتی ہیں، جو پاکستانی معیشت کے لیے فائدہ مند ثابت ہو سکتی ہیں۔
