عالمی شہرت یافتہ امریکی اداکار ٹام کروز کو امریکی بحریہ کی جانب سے اعلیٰ ترین سول اعزاز، ڈیپارٹمنٹ آف نیوی ڈسٹنگویشڈ پبلک سروس (ڈی پی ایس) ایوارڈ سے نوازا گیا۔
یہ ایوارڈ انہیں اپنی مشہور فلم "ٹاپ گن" اور دیگر کرداروں کے ذریعے امریکی بحریہ کے لیے ان کی خدمات کے اعتراف میں دیا گیا۔بحریہ کے سیکرٹری کارلوس ڈیل ٹورو نے ایوارڈ پیش کرتے ہوئے کہا کہ ٹام کروز نے اپنی فلموں کے ذریعے کئی دہائیوں تک بحریہ اور میرین کور کی وکالت کی اور نئی نسل کو فوجی خدمات کی ترغیب دی۔ایوارڈ وصول کرتے ہوئے ٹام کروز نے جذباتی خطاب کیا، جس میں انہوں نے قیادت اور خدمت کی اہمیت پر زور دیا اور کہا کہ "قیادت کرنا، خدمت کرنا ہے"۔ انہوں نے اس اعزاز کے لیے اپنے اردگرد موجود خدمت گزاروں اور خواتین کریو کی قربانیوں اور لگن کو بھی سراہا۔
