شہر میں عید کے قریب برائلر مافیا گوشت کی قیمتیں روزانہ کی بنیاد پر بڑھا رہا ہے۔
ذرائع کے مطابق برائلر گوشت کی قیمت 7 روپے اضافے کے بعد 526 روپے فی کلو تک پہنچ گئی ہے، جبکہ رواں ہفتے اب تک اس میں 15 روپے فی کلو اضافہ ہو چکا ہے۔مٹن اور بیف کی قیمتیں بھی شہریوں کی پہنچ سے باہر جا رہی ہیں۔ شہر میں مٹن 3,200 سے 3,500 روپے فی کلو اور بیف 1,200 سے 1,400 روپے فی کلو میں فروخت ہو رہا ہے، جس سے عام آدمی کی خریداری متاثر ہو رہی ہے۔شہریوں کا کہنا ہے کہ عید کی خوشیوں کے موقع پر گوشت کی بڑھتی ہوئی قیمتیں پریشانی کا سبب بن رہی ہیں، جبکہ ضلعی انتظامیہ کی جانب سے اب تک قیمتوں کو کنٹرول کرنے کے حوالے سے کوئی واضح اقدام نہیں کیا گیا۔ماہرین کا کہنا ہے کہ مہنگائی میں اضافہ اور گراں فروشی کے اس رجحان سے عوام کے لیے ضروری اشیاء کی دستیابی اور خریداری متاثر ہو سکتی ہے، اور فوری مانیٹرنگ اور قیمتوں پر قابو پانے کے اقدامات کی ضرورت ہے۔
