پاکستانی اداکارہ سجل علی اور اداکار اذان سمیع کی سوشل میڈیا پر وائرل ہونے والی لڑائی کی ویڈیو نے تہلکہ مچایا۔
ویڈیو میں سجل علی غصے میں اذان سمیع کو گاڑی کے بونٹ پر بیٹھا دیکھ کر گریبان سے پکڑ کر نیچے اُتار رہی ہیں، اور دونوں کے درمیان ایک تیز رفتار لڑائی دکھائی جا رہی ہے۔ سجل علی نارنجی رنگ کی قمیص اور گلابی ٹراؤزر میں نظر آ رہی ہیں، جبکہ اذان سمیع سفید شرٹ اور سیاہ پینٹ میں دکھائی دے رہے ہیں۔ویڈیو میں یہ لڑائی عوامی مقام پر ہو رہی ہے، اور لوگوں کا ایک مجمع اس لڑائی کو دیکھ رہا ہے، جس سے ویڈیو کو حقیقت سمجھا گیا۔ تاہم بعد میں مزید ویڈیوز میں یہ حقیقت سامنے آئی کہ یہ لڑائی حقیقت نہیں تھی، بلکہ کسی ڈرامے یا شوٹنگ کا حصہ تھی۔ ایک ویڈیو میں سجل علی کے ساتھ ہمایوں سعید بھی ہنستے ہوئے نظر آئے، اور یہ واضح ہو گیا کہ یہ سین شوٹنگ کا حصہ تھا جسے ایک سے زائد ٹیک میں فلمایا گیا تھا۔اس ویڈیو نے سوشل میڈیا پر خوب شہرت حاصل کی، اور اس سے متعلق مختلف چہ مگوئیاں اور تبصرے بھی کیے گئے، مگر اس کی حقیقت سامنے آنے کے بعد یہ تمام قیاس آرائیاں ختم ہو گئیں۔
