لیتھیم اور سوڈیم بیٹریاں مقامی سطح پر تیار کی جائیں گی

اسلام آباد(آئی این پی) ملک میں  توانائی کی سیکیورٹی مضبوط کرنے کیلئے  بڑا قدم اٹھاتے ہوئے پاور اسٹوریج کے لیے بیٹریاں مقامی سطح پر تیار   کرنے کا فیصلہ کیا گیا ہے ۔انجینئرنگ ڈویلپمنٹ بورڈ (ای ڈی بی) نے اس حوالے سے پالیسی ڈرافٹ تیار کر لیا ہے، جس کے مطابق آئندہ تین سال کے دوران بیٹری کے اہم پرزے پاکستان میں تیار کیے جائیں گے۔ذرائع کے مطابق 2 غیرملکی کمپنیز 60 کروڑ ڈالر سرمایہ کاری کی یقین دہانی کرا چکیں،نئی بیٹریاں سیل فون،سولرسسٹم اور گاڑیوں میں استعمال ہونے والی بیٹریاں ہوں گی، اور مقامی سطح پر تیار ہونے کے باعث ملکی درآمدی بل میں نمایاں کمی آئے گی۔پالیسی ڈرافٹ میں بیٹریوں کی سوڈیم کلورائیڈ سے تیاری کو بھی شامل کیا گیا ہے،جس کی کارکردگی لیتھیم بیٹریوں سے زیادہ ہے،بیٹری تیار کرنے والی فیکٹریز کو مشینری درآمد پر ٹیکس چھوٹ بھی دی جائے گی