سوشل میڈیا انفلوئنسر ایشلے سینٹ کلیئر نے دعویٰ کیا ہے کہ وہ ایلون مسک کے 13ویں بچے کی ماں ہیں۔
26 سالہ ایشلے سینٹ کلیئر نے سوشل میڈیا پر ایک پیغام میں بتایا کہ انہوں نے پانچ ماہ قبل ایلون مسک کے بچے کو جنم دیا، تاہم وہ اس بات کو پہلے پوشیدہ رکھنا چاہتی تھیں تاکہ بچے کی حفاظت کی جا سکے۔ایشلے سینٹ کلیئر کا کہنا ہے کہ چونکہ میڈیا کی توجہ اس پر جلد ہی مرکوز ہونے والی تھی، اس لیے انہوں نے خود ہی اس بات کو عوام کے سامنے لانے کا فیصلہ کیا۔ انہوں نے درخواست کی کہ ان کی اور بچے کی پرائیویسی کا احترام کیا جائے۔ایلون مسک نے اس دعوے پر ردعمل دیتے ہوئے صرف ایک لفظ "واہ" میں جواب دیا۔ اس ردعمل سے ظاہر ہوتا ہے کہ انہوں نے اس دعوے پر زیادہ گہرائی سے بات نہیں کی۔ایلون مسک پہلے ہی تین مختلف خواتین سے 12 بچے رکھتے ہیں، اور اگر ایشلے سینٹ کلیئر کا دعویٰ درست ہے، تو یہ ان کا 13واں بچہ ہوگا۔
