لاہور سے راولپنڈی تک پاکستان کی پہلی فاسٹ ٹرین چلے گی‘ سوا 2گھنٹے میں سفر ہوگا:وزیراعلی اور وزیر ریلوے نے ایم او یو پر دستخط کر دیئے

وزیراعلی پنجاب نے  10 اضلاع میں نئی الیکٹروبسیں چلانے کی منظوری دیدی
بسیں اٹک، بھکر، حافظ آباد، خانیوال، لیہ، شیخوپورہ، گوجرانوالہ،سیالکوٹ، منڈی بہائوالدین اوراوکاڑہ میں فراہم کی جائیں گی
وزیراعلی مریم نوازکی میٹروبس سٹیشن کی تعمیر و مرمت جلد مکمل کرنے کی ہدایت،سرکاری ملازمین کے لئے ای بائیک پراجیکٹ کی منظوری 
لاہور(سپیشل رپورٹر )وزیراعلی پنجاب مریم نواز  نے 10 اضلاع میں نئی الیکٹروبسیں دینے کی منظوری دیدی۔ وزیراعلی پنجاب کی زیرصدارت اجلاس ہوا،اجلاس میں گوجرانوالہ اور فیصل آباد میں ماس ٹرانزٹ سسٹم پراجیکٹ پرپیشرفت کاجائزہ لیاگیا،اجلاس میں  وزیراعلی پنجاب نے 10 اضلاع میں نئی الیکٹرو بسیں دینے کی منظوری دی،اٹک،بھکر،حافظ  آباد،خانیوال،لیہ،شیخوپورہ،گوجرانوالہ،سیالکوٹ،منڈی بہاالدین اور اوکاڑہ میں الیکٹروبسیں دی جائیں گی۔ماہ رواں میں 100الیکٹرو بسیں،مئی کے وسط تک 350 اورجون کے آخرتک 264الیکٹرو بسیں پنجاب پہنچ جائیں گی،ہرڈویژن میں الیکٹروبسوں کے لئے خصوصی بس ڈپو قائم ہوگا،وزیراعلی پنجاب نے تحصیل لیول پر1500 الیکٹرک بسیں چلانے کیلئے پلان طلب کرلیا۔ پنجاب میں پہلی ای ٹیکسی سکیم پر پیشرفت کی رپورٹ پیش کی گئی،مئی میں 194 اور جون میں 208 ای ٹیکسی آئیں گی،وزیراعلی مریم نواز نے میٹروبس اسٹیشن کی تعمیر و مرمت جلد مکمل کرنے کی ہدایت کی ۔ نئے ڈیزائن کی منظوری دی۔ایمپاور۔ہرپراجیکٹ کے  تحت لاہورمیں نئے اورجدید ترین بس اسٹیشن کی تنصیب کا جائزہ لیا گیا،سرکاری ملازمین کے لئے ای بائیک پراجیکٹ کی اصولی منظوری بھی دی گئی۔وزیراعلی مریم نوازکیفری ٹرانسپورٹ کے تحت 21روٹس پرسوا لاکھ مسافر مستفید ہوئے،وزیراعلی پنجاب فری ٹرانسپورٹ پروگرام کے تحت بسوں نے 3560 ٹرپ کیے۔دریں اثناء حکومت پنجاب اور پاکستان ریلوے کے درمیان تاریخ ساز قرارداد مفاہمت کے تحت صوبے میں ریلوے ٹرانسپورٹ کے نئے عہد کا آغازہوگیا ہے۔ وزیراعلیٰ پنجاب مریم نواز شریف اور وزیرریلوے حنیف عباسی نے ایم او یو پر دستخط کردئیے۔ تاریخ ساز قراردادمفاہمت کے تحت لاہور سے راولپنڈی تک پاکستان کی پہلی فاسٹ ٹرین چلے گی جس میں سوا دو گھنٹے میں سفر طے ہوگا۔ بریفنگ میں بتایا گیا کہ پنجاب کے 20ریجن میں 8لوکل روٹس پر 1415 کلو میٹر فاسٹ ٹرینیں چلائی جائیں گی۔ پنجاب میں فاسٹ ٹرین اور 8لوکل روٹس پر جدید ترین ٹرین چلائی جائیں گی۔تاریخ سازقرار داد مفاہمت کے تحت حکومت پنجاب علاقائی روٹس پر جدید ترین ڈی ایم یو ٹرین مہیا کرے گی